- जगाने अमावस्येला लागलेले सूर्यग्रहण अनेकदा बघीतले आहे. पण अमवस्या नसतानाही खग्रास सूर्यग्रहण? होय २७ में, ला आज* *जवळजवळ ८८ वर्षापूर्वी एकदा लागले आहे. !.*
‘ *मानव मुक्तीचे प्रणेते विश्वरत्न संविधानाचे शिल्पकार डॉ. बाबासाहेब आंबेडकरांची अर्थात साहेबांची रमाई ‘रामू’ गेली. अन् दलित, पीडित, शोषित, सर्वहारा समाजाचे जग अंधारात बुडाले . तळपत्या सूर्याच्या सांगातीने या जगाचा अकाली निरोप घेतला आणि अन् हरेक अश्रूंच्या थेंबाचं मोल जाणणा-या साक्षात “क्रांतिसूर्याला” रडू कोसळले…! निरोप घेण्यापूर्वी डॉक्टर बाबासाहेबांचा हात आपल्या थरथरत्या हातात घेऊन रमाबाई म्हणाल्या, “साहेब”,आपली रमेश* *राजरत्न, इंदू,दगावली. उद्या “यशवंतावर”, जसे लक्ष ठेवाल तसेच लक्ष माझ्या सात कोटी* *लेकरांवर ठेवा…! त्यांची* *काळजी घ्या… त्यांना मान-सन्मान मिळवून द्या…”* *त्यागमूर्ती रमाईचे,रामूचे अंतिम शब्द .. कुवत नसताना ज्या माऊलीने शेवटच्या श्वासापर्यंत केवळ देण्याचेच काम केले.ती आज आपल्याला काहीतरी मागत आहे , हे ऐकून पाषाणालाही पाझर फुटला असता. ते तर “रामूचे” साहेब होते.शोषित पिडितांच्या लेकरांच्या उध्दारासाठी “रामू ” मागते आहे. प्रज्ञासूर्य डॉ.बाबासाहेब ओक्साबोक्सी रडले. पण विचलित झाले नाहीत.कारण ‘तेथील’ सूर्याला येथील सूर्याने मनोम:न सांगून ठेवले होते…*
*तू तिथला सूर्य..*
*तर मी इथला सूर्य आहे.!*
*तू ,ता-यांना प्रकाशमान कर*
*मी सा-यांना प्रकाशमान* *करतो…!*
*आणि डॉ .भीमराव रामजी* *आंबेडकर तथा बाबासाहेब* *दिल्या शब्दाला जागले. रात्रीचा दिवस करून अंधा-या वस्त्यांवर*
*दिवे लावले.या खडतर संघर्षात रमाबाईंची,”रामूची”* *डॉ .बाबासाहेबांना समर्थ साथ लाभली नसती तर .* *कल्पनाही करवत नाही.* *गणितीशास्त्रामध्ये ०१+०१= ०२ होतात.*तशी ही साधी* *बेरीज ! पण येथे ०१+०१= ११* *झाले.! यातच सुभेदार* *रामजीबाबा यांच्या लेकराच्या “रमाईचे” माहात्म्य दडले आहे .! आज*
*स्मृतिदिनाला आमच्या ४०* *कोटींच्या मायीला,”माता रमाईला” विनम्र अभिवादन करताना आमच्या सारख्यां सेवाभावी कफल्लक फकिरालाही हंबरून येत आहे . तवा अशावेळी कंठ कोणाचा दाटून येणार नाही हो ? पाषाणालाही पाझर फुटतो तसं येणारच !*
*बस… आदरणीय साहित्यश्रेष्ठ “यशवंत मनोहर सरांनी”* *साकारलेली “रमाई” अन्* *लंडनमधून डॉ.भीमराव* *आंबेडकर यांनी ३० डिसेंबर* *१९३० ला लिहिलेले पत्र “प्रिय रामू ” किमान आजच्या घडीला पुढारलेल्या नेत्यांनों प्राध्यापक, अभियंते, डॉक्टर, वकील*
*भावांनो,ताईंनों, पदवीधर* *लेकरांनों..वाचा.*
*”इथे कुणाचेच काही कष्ट नाही*
*ही तुझीच कमाई आहे गं रमाई”.!*
*ह्याही दोन ओळी कायम* *मन-मस्तिष्कात घेऊन आपण या दांपत्याचे देणे लागतो. नव्हे, त्यांचे न फिटणारे उपकार आपल्यावर आहेत. याची जाणीव ठेवत नम्र वाटचाल करू या…!महामानवाच्या फिक्स डिपॉजिटवर मिळणा-या व्याजातून ८०%सोडा त्यांना* *अपेक्षित २० %हिस्सा दानपारमिता म्हणून* *जनकल्याणासाठी समर्पित करण्यासाठी कटिबद्ध होऊ या.’जयभीम’ या क्रांतिकारी सामाजिक बांधिलकीचा धागा बनवू या..*
*तथागत महाकारूणीक गौतम बुद्धाची दानपारमिता दुसरं आणखी काय सांगत नसून हेच ना ! भवतु सब्बं मंगलम्.!*
*”रमाई” झाली स्फूर्ती*
*ज्योती भीमराव आंबेडकरांची.!*
*रमाबाई भीमराव आंबेडकर* *अर्थात चाळीस कोटी लेकरांच्या मातेला कोटी कोटी प्रणाम ! जयभिम ! जय संविधान!! जय भारत!!!* - – समाजभूषण तात्यासाहेब सोनवणे
- महाराष्ट्र शासन, उपसंपादक सा.साक्षी पावनज्योत,अध्यक्ष रूग्णहक संघर्ष समिती, सोशल मिडिया जीवन आधार फौंडेशन रेस्क्यू फोर्स, ठाणे जिल्हा, विशेष कार्यकारी अधिकारी (SEO) @ ९३२४३६६७०९*
Exclusive
Breaking News
जय भवानी विद्यालय,पारा येथे शिक्षण महर्षी कै.ज्ञानदेव मोहेकर गुरुजींना अभिवादन
शिक्षण महर्षी कै.ज्ञानदेव मोहेकर गुरुजींना ज्ञान प्रसारच्या वतीने अभिवादन
ज्ञान महर्षी कै.ज्ञानदेव मोहेकर गुरूजींना ज्ञानोद्योग विद्यालयात अभिवादन
संचालिका सौ.अंजली मोहेकर यांची विद्याभवन प्राथमिक विद्यामंदिरास सदिच्छा भेट
विद्यामंदिर हायस्कूल आष्टा येथे शिक्षण महर्षी ज्ञानदेव मोहेकर गुरुजींना अभिवादन
More Stories
ईव्हीएम-व्हीव्हीपॅट मशिन्सच्या Burnt Memory तपासणी प्रक्रिया पूर्ण
ठाणे जिल्ह्यातील पहिली मेट्रो! मेट्रो लाईन-9 च्या पहिल्या टप्प्याच्या ट्रायल रनला सुरुवात
जिल्हा परिषद ठाणे येथे महाराष्ट्र दिन साजरा