उमरगा – येथिल बहुजन हिताय विद्यार्थी वसतिगृहात रविवारी दि.३० जुलै २०२४ रोजी त्रिरत्न बौद्ध महासंघाचे नवदीक्षित धम्मचारी यांचा सत्कार करण्यात आला. त्रिरत्न बौद्ध महासंघाचे पुणे जिल्ह्यातील भाजे ता मावळ येथिल सधम्म प्रदिप शिबिर केंद्रात येथिल धम्मचारी जीनघोष (प्रदिप गायकवाड,धाराशिव)आणि जिनोदय(अशोक सावंत,कळंब) यांना नऊ जून रोजीधम्मचारी दिक्षा दिली त्यानंतर त्यांचा नागरी सत्कार सोहळा बौद्ध बांधवांच्या वतीने आयोजित करण्यात आला होता.
या वेळी त्रिरत्न बुद्धिष्ट सेंटरचे चेअरमन धम्मचारी रत्नपालित, लातूर केंद्राचे चेअरमन धम्मचारी कल्याणदस्सी,यांची विशेष उपस्थिती होती.तर धम्मचारी प्रज्ञाजित, धम्मचारी ज्ञानपालित,धम्मचारी विबोध,धम्मचारी धम्मभूषण,आदींची उपस्थिती होती. प्रारंभी मान्यवरांच्या हस्ते तथागत भगवान बुद्ध,डॉ बाबासाहेब आंबेडकर, भन्ते संघरक्षित यांच्या प्रतिमांचे पूजन करण्यात आले.धम्ममित्र काजल गायकवाड, संगीता कांबळे,संगिता सावंत यांनी पाली पूजेचे नेतृत्व केले.नवदीक्षित धम्मचाऱ्यांनी शरण गमनचा इतिहास कथन केला.तब्बल तीस वर्षाच्या कठीण परिश्रमनातून आणि धम्माचरणातून तावून सुलाखून धम्म जीवन जगण्याचा सराव केल्याने ही दीक्षा प्राप्त झाली असून यात संघ सदस्य,मित्रच्यापटर,कल्यांनमित्रता, परिणामकारक शरण गमन, बुद्ध धम्म संघाशी असलेली श्रद्धा, तथागत भगवान बुद्ध,भन्ते संघरक्षित,डॉ बाबासाहेब आंबेडकरांच्या धम्मदृष्टीची उकल,धम्माभ्यास यांचा विचार करून ही ही दीक्षा मिळाली असून त्यानीं या बद्धल कृतज्ञता व्यक्त केली. धम्मचारी कल्याणदस्सी यांनी नवदीक्षितांच्या कार्यास शुभेच्छा देऊन धम्मदेसना दिली. कार्यक्रम यशस्वी करण्यासाठी धम्ममित्र जालिंदर कांबळे, अमर कांबळे,तानाजी कांबळे, हरिदास कांबळे, महादेव भोसले, आदींनी परिश्रम घेतले कार्यक्रमाचे सूत्रसंचालन धम्मचारी धम्मभूषण यांनी केले तर धम्मचारी प्रज्ञाजित यांनी आभार मानले धम्मपालन गाथेने कार्यक्रमाची सांगता करण्यात आली.
More Stories
बसस्थानकाच्या बांधकामासाठी निधी कमी पडू देणार नाही – पालकमंत्री प्रताप सरनाईक
उमरगा शहर व तालुक्यामध्ये वृक्ष लागवड
आरोग्य क्षेत्रात समाज विकास संस्थेचे कार्य उल्लेखनीय