- लातूर (दिलीप आदमाने) – नॅशनल टेस्टिंग एजन्सी तर्फे पहिल्या टप्प्यात घेण्यात आलेल्या जेईई मेन परीक्षेचा निकाल नुकताच प्रसिद्ध झाला असून या परीक्षेत महात्मा बसवेश्वर कनिष्ठ महाविद्यालयाचा विद्यार्थी बस्वदीप रवींद्र बेंबरे याने 95.73 परसेंटाइल गुण घेऊन घवघवीत यश संपादन केले आहे. त्याबद्दल श्री महात्मा बसवेश्वर शिक्षण संस्थेचे अध्यक्ष शिवशंकर अप्पा बिडवे यांच्या हस्ते बसवदीप बेंबरे व पालक प्रकाश बेंबरे यांचा शाल, स्मृती चिन्ह व पुष्पहार घालून सत्कार करण्यात आला.
यावेळी प्राचार्य प्राचार्य डॉ. संजय गवई, उपप्राचार्य डॉ. राजकुमार लखादीवे, उपप्राचार्य प्रा. संजय पवार, उपप्राचार्य प्रा. बालाजी जाधव, पर्यवेक्षक प्रा. शिवशरण हावळे, कार्यालय प्रमुख नामदेव बेंदरगे, प्रा. धोंडीबा भुरे, डॉ. मनोहर चपळे, प्रा. विश्वनाथ स्वामी, डॉ. टि. घनश्याम, प्रा. व्यंकट दुडिले आणि प्रा. माधुरी सरपे यांची प्रमुख उपस्थिती होती.
यावेळी शुभेच्छा देताना संस्थेचे अध्यक्ष शिवशंकर अप्पा बिडवे म्हणाले की, महात्मा बसवेश्वर महाविद्यालयात शिकणारा विद्यार्थी हा ग्रामीण भागातील असून तो गरीब, गरजू आणि होतकरू कुटुंबातील असतो. अनेकदा त्याला गुण कमी असतात परंतु आपल्या महाविद्यालयांमध्ये प्राचार्य, उपप्राचार्य, पर्यवेक्षक, समन्वयक, शिक्षक आणि शिक्षकेतर कर्मचारी विद्यार्थ्यांच्या शैक्षणिक विकासाकडे अधिक लक्ष देतात त्यामुळे विद्यार्थी नेत्रदीपक यश संपादन करतात यासाठी संस्था पदाधिकारी मौलिक मार्गदर्शन करतात. याबद्दल त्यांनी समाधान व्यक्त करून गुणवंत विद्यार्थी विश्वदीप बेंबरे याला पुढील वाटचालीसाठी खूप खूप हार्दिक शुभेच्छा दिल्या.
यावेळी उपप्राचार्य डॉ. राजकुमार लखादीवे, उपप्राचार्य प्रा. संजय पवार, प्रा. माधुरी सरपे, आणि प्रकाश बेंबरे यांनी अभिनंदन करून कौतुक केले व पुढील कार्यासाठी शुभेच्छा दिल्या.
या कार्यक्रमाला महाविद्यालयातील प्राध्यापक आणि शिक्षकेतर कर्मचारी उपस्थित होते. कार्यक्रमाचे सूत्रसंचालन आणि आभार प्रा. धोंडीबा भुरे यांनी मानले.
Exclusive
Breaking News
“राज्य लॉटरी आमच्या हक्कांची; नाही ‘राजश्री’च्या बापाची!” — विक्रेत्यांचा एल्गार,विक्री बंदचा इशारा
“भूमिपुत्रांचा संयम संपत चालला” — आगरी सेनेचा रास्ता रोकोचा इशारा – कैलास पाटील
आरोग्य सेवेची नवी झेप : जिल्ह्यात अत्याधुनिक आरोग्य सुविधांमुळे रुग्णांना दिलासा
“कामगार चळवळीचा कणखर आधारवड हरपला” — अच्युतराव माने पाटील यांचे निधन
“आरक्षणावर उपवर्गीकरणाचा घाव चालणार नाही” कळंबमध्ये ४ मे रोजी भव्य मोर्चाची हाक
More Stories
समाजसेवेचा गौरव;सुधाकर रणदिवे यांना लातुरात ‘नेताजी सुभाषचंद्र बोस राष्ट्रीय जीवनगौरव पुरस्कार’
अटल टिंकरिंग लॅब प्रकल्प प्रदर्शनात जिजामाता विद्यालयाची चमकदार कामगिरी; जिल्हास्तरावर द्वितीय क्रमांक
सामाजिक कार्यासाठी सुफी सय्यद शमशोद्दीन यांना ‘समाजभूषण’ पुरस्काराने गौरव