- लातूर – त्यागमूर्ती माता रमाई आंबेडकर यांच्या जयंतीनिमित्त दि. ७ फेब्रुवारी रोजी शहरात अभिवादनाचा उत्स्फूर्त कार्यक्रम पार पडला.विश्वरत्न डॉ. बाबासाहेब आंबेडकर १३४ वी सार्वजनिक जयंती उत्सव समिती यांच्या वतीने आयोजित या कार्यक्रमास बौद्ध उपासक-उपासिका व नागरिकांची मोठ्या संख्येने उपस्थिती लाभली.
कार्यक्रमाची सुरुवात डॉ. बाबासाहेब आंबेडकर चौक येथे त्रिसरण व पंचशील ग्रहण करून करण्यात आली. त्यानंतर माता रमाई यांच्या प्रतिमेस पुष्पहार अर्पण करून अभिवादन करण्यात आले. पुढे समितीचे अध्यक्ष सुशीलकुमार महादेव चिकटे यांच्या हस्ते डॉ.बाबासाहेब आंबेडकर पार्क येथे डॉ. बाबासाहेब आंबेडकर यांच्या पूर्णाकृती पुतळ्यास पुष्पहार अर्पण करण्यात आला.तसेच माता रमाई यांच्या प्रतिमेसही समितीतर्फे कृतज्ञतापूर्वक अभिवादन करण्यात आले.
यावेळी माता रमाई यांच्या त्यागमय जीवनाचा गौरवपूर्ण उल्लेख करण्यात आला. बाबासाहेबांच्या सामाजिक क्रांतीच्या प्रवासात रमाईंचे योगदान मोलाचे असून त्यांचा त्याग, संयम आणि समर्पण भावी पिढीसाठी प्रेरणादायी असल्याचे प्रतिपादन करण्यात आले.अत्यंत कठीण परिस्थितीत संसार सांभाळत त्यांनी डॉ.बाबासाहेबांच्या कार्याला दिलेला मूक पण भक्कम पाठिंबा हा इतिहासातील अमूल्य अध्याय असल्याचे वक्त्यांनी नमूद केले.
कार्यक्रमाचे सूत्रसंचालन प्राचार्य डॉ.दुश्यंत कटारे व भुजंग कांबळे यांनी केले, तर आभार प्रदर्शन सुशीलकुमार चिकटे यांनी केले. यावेळी नव्याने निवडून आलेले मनपा सदस्य विनय जाकते यांचा विशेष सत्कार करण्यात आला. उपस्थितांना त्रिसरण व पंचशील भंते बोधिराज यांनी दिले.
या कार्यक्रमास राम कोरडे,वैभव गायकवाड,बाबासाहेब कांबळे, शेख चांद,दिगंबर गायकवाड, सिद्धांत चिकटे,गौतम साबळे, नामदेव गायकवाड,सुरेश भुताळे, पप्पू कांबळे,निखिल गायकवाड, चिंटू गायकवाड,निलेश बनसोडे, कैलास कांबळे,प्रवीण कांबळे,रवी कांबळे,मेजर राजाराम साबळे, भारतीय बौद्ध महासभेच्या जिल्हाध्यक्ष आशा चिकटे,सुजाता अजनिकर तसेच समता सैनिक दलाचे सैनिक व पदाधिकारी उपस्थित होते. कार्यक्रम राष्ट्रगीताने संपन्न झाला.
Exclusive
Breaking News
“राज्य लॉटरी आमच्या हक्कांची; नाही ‘राजश्री’च्या बापाची!” — विक्रेत्यांचा एल्गार,विक्री बंदचा इशारा
“भूमिपुत्रांचा संयम संपत चालला” — आगरी सेनेचा रास्ता रोकोचा इशारा – कैलास पाटील
आरोग्य सेवेची नवी झेप : जिल्ह्यात अत्याधुनिक आरोग्य सुविधांमुळे रुग्णांना दिलासा
“कामगार चळवळीचा कणखर आधारवड हरपला” — अच्युतराव माने पाटील यांचे निधन
“आरक्षणावर उपवर्गीकरणाचा घाव चालणार नाही” कळंबमध्ये ४ मे रोजी भव्य मोर्चाची हाक
More Stories
समाजसेवेचा गौरव;सुधाकर रणदिवे यांना लातुरात ‘नेताजी सुभाषचंद्र बोस राष्ट्रीय जीवनगौरव पुरस्कार’
अटल टिंकरिंग लॅब प्रकल्प प्रदर्शनात जिजामाता विद्यालयाची चमकदार कामगिरी; जिल्हास्तरावर द्वितीय क्रमांक
सामाजिक कार्यासाठी सुफी सय्यद शमशोद्दीन यांना ‘समाजभूषण’ पुरस्काराने गौरव