- ळजापूर (माध्यम कक्ष) – श्री तुळजाभवानी मंदिर संस्थान आयोजित शारदीय नवरात्र सांस्कृतिक महोत्सवात २७ सप्टेंबर रोजी आयोजित सांस्कृतिक कार्यक्रमातून लोककलेचा अप्रतिम संगम पाहायला मिळाला.
रसिकपर्ण डान्स अकॅडमीच्या कलाकारांनी पारंपरिक लोकनृत्य सादर करत रसिक प्रेक्षकांची मनं जिंकली.महाराष्ट्राच्या समृद्ध सांस्कृतिक वारशाचे दर्शन घडविणाऱ्या या नृत्य प्रस्तुत्यांमध्ये कोळीगीत, वाघ्या-मुरळी,दिंडी व गोंधळ यांचा समावेश होता. ताल-लयबद्ध पावलं आणि पारंपरिक वेशभूषेच्या माध्यमातून कलाकारांनी लोकजीवनातील वातावरण प्रेक्षकांसमोर जिवंत केले.
कार्यक्रमाची सुरुवात तहसीलदार तथा मंदिर संस्थानचे विश्वस्त अरविंद बोळंगे यांच्या हस्ते दीपप्रज्वलन करून झाली.यानंतर लोकनृत्यांचा कार्यक्रम पार पडला. या प्रसंगी स्त्रीशक्तीचा गौरव करण्यासाठी कृषी व्यवस्थापक म्हणून कार्यरत असलेल्या रोहिणी धीरज सुरवसे यांचा सन्मान करण्यात आला.त्यांच्या शासकीय योजनांच्या प्रचार-प्रसारातील उल्लेखनीय कार्याची दखल घेऊन त्यांना श्री तुळजाभवानी देवीची प्रतिमा, कवड्याची माळ,महावस्त्र आणि ११ हजार रुपयांचा धनादेश तहसीलदार बोळंगे यांच्या हस्ते प्रदान करण्यात आला.
या सन्मानाने शारदीय नवरात्र सांस्कृतिक महोत्सवाच्या सोहळ्याला सामाजिक अंग प्राप्त झाले.रोहिणी सुरवसे यांनी शेतकरी व ग्रामीण समाजात विविध शासकीय योजना पोहोचवण्यासाठी केलेल्या प्रयत्नांचे सर्वत्र कौतुक होत आहे.
कार्यक्रमाला तहसीलदार तथा व्यवस्थापक (प्रशासन) माया माने,महिला व बालविकास अधिकारी किशोर गोरे,पुजारी मंडळाचे अध्यक्ष विपिन शिंदे व मंदिर संस्थानचे कर्मचारी उपस्थित होते.
शारदीय नवरात्र महोत्सवातील हा लोकनृत्यांचा कार्यक्रम महाराष्ट्राच्या सांस्कृतिक वैभवाचे दर्शन घडविणारा ठरला.
Exclusive
Breaking News
त्याग,समर्पण आणि प्रेरणेचा जागर;माता रमाई जयंती उत्साहात साजरी
बस तासनतास थांबवून प्रवाशांना त्रास;संतप्त प्रवाशांची तक्रार
आई-वडिलांमुळेच आपल्या अस्तित्वाची ओळख –डॉ.सुनील गायकवाड
विद्याभवन प्राथमिक विद्यामंदिर येथे शिक्षण महर्षी कै.ज्ञानदेव मोहेकर गुरुजींना अभिवादन
विद्यामंदिर हायस्कूल आष्टा येथे शिक्षण महर्षी कै.ज्ञानदेव मोहेकर गुरुजींच्या प्रतिमेचे पूजन
More Stories
ओबीसी शिक्षकांच्या न्याय्य मागण्यांसाठी आमदार प्रवीण स्वामी सरांची सकारात्मक भूमिका – समाधानाचा नवा किरण
न्यायापासून वंचित असलेल्यांना न्याय मिळावा – न्या.प्रसन्न वराळे
पी एम श्री कन्या प्रशाला तुळजापूरच्या मुलींचा जिल्हा क्रीडांगणावर झंकार — तीन संघ विभागीय पातळीवर दाखल!