- धाराशिव (माध्यम कक्ष) – उस्मानाबाद लोकसभा मतदारसंघांतर्गत येत असलेल्या सर्व सहा विधानसभा मतदारसंघातील 85 वर्षावरील व दिव्यांग मतदारांना 2 ते 5 मे दरम्यान घरूनच मतदान करता येणार आहे.अशा ज्या मतदारांनी मतदान केंद्रस्तरीय अधिकारी यांच्याकडे घरून मतदान करण्यासाठी अर्ज सादर केले आहे,अशा मतदारांना पोस्टल मतपत्रिका पध्दतीने गृहभेटीत मतदान करता येणार आहे.
औसा विधानसभा मतदारसंघात वय वर्षे 85 पेक्षा जास्त असणारी 181 मतदार आणि 46 दिव्यांग मतदार अशी एकूण 227 मतदार, उमरगा विधानसभा क्षेत्रात 85 वर्षापेक्षा जास्त 604 मतदार तर 332 दिव्यांग मतदार असे एकूण 936 मतदार, तुळजापूर विधानसभा क्षेत्रात 85 वर्षापेक्षा जास्त असणारे 616 मतदार आणि 118 दिव्यांग मतदार अशी एकूण 734 मतदार, उस्मानाबाद विधानसभा मतदारसंघात 85 वर्षपेक्षा जास्त असणारे 991 मतदार आणि 160 दिव्यांग मतदार असे एकूण 1151 मतदार,परंडा विधानसभा क्षेत्रात 85 वर्षापेक्षा जास्त असणारे 914 वयस्क मतदार आणि 171 दिव्यांग मतदार असे एकूण 1085 मतदार आणि बार्शी विधानसभा क्षेत्रात 85 वर्षापेक्षा जास्त असलेले 236 वयस्क मतदार आणि 24 दिव्यांग मतदार असे एकूण 260 मतदारांचा समावेश आहे.उस्मानाबाद लोकसभा मतदारसंघातील सहा विधानसभा क्षेत्रातील 3542 मतदार हे वय वर्ष 85 पेक्षा जास्त आणि 851 दिव्यांग मतदार असे एकूण 4393 मतदार घरीच आपला मतदानाचा हक्क बजावणार आहे.
12 एप्रिल ते 17 एप्रिल 2024 या कालावधीत वय वर्षे 85 पेक्षा जास्त वयस्क मतदार आणि दिव्यांग मतदारांकडून नमुना 12-ड भरून घेण्यासाठी मोहीम राबविण्यात आली.उस्मानाबाद लोकसभा मतदारसंघातील एकूण 4549 मतदारांनी नमुना 12 -ड भरून दिला.या सर्व 12 -ड नमुन्याची पडताळणी पूर्ण केल्यानंतर मतदान करण्यास पात्र मतदारांची संख्या 4393 इतकी निश्चित करण्यात आली.
आता या मतदारांच्या घरी जावून 2 मे ते 5 मे या कालावधीत संबंधित नियुक्त विशेष गृहभेट पोस्टल मतपत्रिका मतदान पथकाद्वारे सकाळी 8 ते सायंकाळी 6 वाजेच्या दरम्यान पोस्टल मतपत्रिका पध्दतीने मतदान प्रक्रिया पार पाडण्यात येणार आहे. - पोस्टल मतपत्रिका पध्दतीने गृहभेटीत मतदानासाठी नमुना 12 डी मतदान केंद्रस्तरीय अधिकारी यांच्यामार्फत अर्ज सादर केले आहे,अशा 85 वर्षावरील आणि दिव्यांग मतदारांनी संबंधित कालावधीत नमुना 12 डी अर्जात नमुद केलेल्या पत्यावर उपस्थित राहुन मतपत्रिकेद्वारे आपल्या मतदानाचा हक्क बजावावा,असे आवाहन जिल्हाधिकारी तथा जिल्हा निवडणूक अधिकारी डॉ. सचिन ओंबासे यांनी केले आहे.
Exclusive
Breaking News
जय भवानी विद्यालय,पारा येथे शिक्षण महर्षी कै.ज्ञानदेव मोहेकर गुरुजींना अभिवादन
शिक्षण महर्षी कै.ज्ञानदेव मोहेकर गुरुजींना ज्ञान प्रसारच्या वतीने अभिवादन
ज्ञान महर्षी कै.ज्ञानदेव मोहेकर गुरूजींना ज्ञानोद्योग विद्यालयात अभिवादन
संचालिका सौ.अंजली मोहेकर यांची विद्याभवन प्राथमिक विद्यामंदिरास सदिच्छा भेट
विद्यामंदिर हायस्कूल आष्टा येथे शिक्षण महर्षी ज्ञानदेव मोहेकर गुरुजींना अभिवादन
More Stories
फॉरेस्टच्या गवतावर तणनाशक फवारणी करून वृक्षलागवडीची नासधूस:वनपालावर कारवाईची मागणी
महसूल मंत्री चंद्रशेखर बावनकुळे यांच्या हस्ते चॅटबोटचे उद्घाटन
आंतरराष्ट्रीय व्हॉलीबॉल स्पर्धेसाठी जिल्हास्तरीय निवड चाचणी ११ ऑगस्टला