- खामसवाडी – जिद्द,मेहनत आणि चिकाटीच्या जोरावर खामसवाडी गावातील एका सर्वसामान्य पोलीस कुटुंबातील मुलीने वैद्यकीय क्षेत्रात यश संपादन करत गावाचा मान उंचावला आहे.खामसवाडी येथील रहिवासी व धाराशिव जिल्हा पोलीस दलात सहाय्यक पोलीस उपनिरीक्षक म्हणून कार्यरत असलेले जगन्नाथ नामदेव गुंड यांची द्वितीय कन्या डॉ.प्रमिला जगन्नाथ गुंड हिने मुंबई येथील नामांकित जे.जे.मेडिकल कॉलेजमधून एम.बी.बी.एस. शिक्षण पूर्ण करून इंटर्नशिपही यशस्वीरीत्या पूर्ण केली आहे.
तिच्या पदवी प्रदान समारंभाचे आयोजन मुंबईतील षण्मुखानंद सभागृहात मोठ्या उत्साहात पार पडले.या यशामुळे गुंड कुटुंबासह संपूर्ण खामसवाडी गावात आनंदाचे वातावरण निर्माण झाले आहे.
डॉ. प्रमिला गुंड यांच्या वडिलांनी सांगितले की,पोलीस नोकरीमुळे सतत बदल्या होत असल्याने मुलांना वारंवार शाळा बदलाव्या लागल्या.प्राथमिक शिक्षण जिल्हा परिषद शाळा ढोकी येथे, तर माध्यमिक शिक्षण नवोदय विद्यालय तुळजापूर येथे पूर्ण झाले. त्यानंतर प्रमिला हिने मुंबईत एम.बी.बी.एस.साठी प्रवेश मिळवून कठोर परिश्रमांच्या जोरावर हे यश संपादन केले.
ते पुढे म्हणाले, “पोलीस कुटुंबात वैद्यकीय क्षेत्राचा कोणताही वारसा नसताना आमच्या दोन्ही मुलींनी डॉक्टर होण्याचा मान मिळवला,ही आमच्यासाठी आणि गावासाठी अत्यंत अभिमानाची बाब आहे.”
डॉ. प्रमिला गुंड यांची मोठी बहिण डॉ. प्रियांका गुंड हिने देखील एम.बी.बी.एस. व एम.एस. पदवी प्राप्त केली असून सध्या सेवाग्राम मेडिकल कॉलेज,वर्धा येथे कार्यरत आहे. दोन्ही बहिणींनी वैद्यकीय क्षेत्रात उल्लेखनीय यश मिळविल्याने गुंड कुटुंबाचा सन्मान वाढला आहे.
डॉ. प्रमिला गुंड यांच्या या यशाबद्दल खामसवाडी ग्रामस्थांसह विविध स्तरांतून त्यांचे व त्यांच्या कुटुंबाचे अभिनंदन करण्यात येत आहे.
Exclusive
Breaking News
येडेश्वरी यात्रेसाठी वाहतूक बदल; २ दिवस अवजड वाहनांना बंदी
धाराशिव जिल्हा परिषदेच्या मुख्य कार्यकारी अधिकारी पदी प्रियंवदा महाडदळकर यांची नियुक्ती
ग्रामीण जनतेसाठी सुलभ सेवा : ई-गव्हर्नन्समुळे धाराशिव प्रशासन अधिक गतिमान
नवतेजस्विनी महोत्सवात महिला उद्योजकतेची झेप;दोन दिवसांत ७ लाखांहून अधिक विक्री
उमरग्यात शाक्यसम्राट राजा अशोक व कांशीराम यांची संयुक्त जयंती उत्साहात साजरी
More Stories
मोबाईलच्या अतिरेकाने संवाद हरवला;तरुणाई व्यसनाच्या विळख्यात – विश्वनाथ (अण्णा) तोडकर यांचा इशारा
छत्रपती शिवाजी महाराज चौकात अतिक्रमणावर बुलडोझर;नगरपालिकेची धडक मोहीम सुरू
रॉकेल वाटपाचा मोठा निर्णय; आता एका रेशन कार्डवर ३ लिटरच मिळणार!