कळंबच्या पियुष बाहेतीच्या जागतिक विक्रमाची इंडिया बुक ऑफ रेकॉर्डमध्ये नोंद

कुटुंबाच्या पाठबळावरच मी हा जागतिक विक्रम शक्य करू शकलो – पियुष बाहेती
आपला आनंद व्यक्त केल्यानंतर पियुष बाहेती म्हणाला की,वडिल बालाजी बाहेती व चुलते सतीशचंद्र बाहेती हे फोटोग्राफी क्षेत्रात असल्याने मला लहानपणापासूनच फोटो काढण्याची आवड व छंद लागला.हाच छंद मी सतत जोपासत असुन, मी केवळ ६० सेकंदात तब्बल २६२ फोटो काढले.तेव्हा मला वाटले नव्हते.की माझा हाच छंद जागतिक विक्रम ठरेल.जेव्हा ती बातमी ऐकली तेव्हा मला प्रथम विश्वासच बसत नव्हता मात्र ते सत्य होते.हा जागतिक विक्रम मी माझ्या कुटुंबाचा पाठबळावर व माझ्या मेहनतीने आणि आईवडिलांच्या आशिर्वादाने केला.याचा मला मनस्वी आनंद होत असुन, हा अभिमान आपल्या सर्वांचा असल्याची प्रतिक्रिया पियुष बाहेती याने व्यक्त केली.