- कळंब – धाराशिव जिल्ह्यातील काँग्रेसचे ज्येष्ठ नेते व कळंब तालुका काँग्रेस कमिटीचे अध्यक्ष पांडुरंग गुणवंतराव कुंभार यांची नुकतीच महाराष्ट्र प्रदेश काँग्रेस कमिटीच्या सचिवपदी नियुक्ती करण्यात आली आहे.ही घोषणा ऑल इंडिया काँग्रेस कमिटीच्या वतीने करण्यात आली असून, त्यांच्या दीर्घकालीन पक्षनिष्ठा, संघटन कौशल्य व कार्यकुशलतेची ही योग्य दखल मानली जात आहे.
गेल्या तीन दशकांहून अधिक काळ कुंभार यांनी युवक काँग्रेसपासून स्थानिक स्वराज्य संस्था,कृषी उत्पन्न बाजार समिती, व तालुका/जिल्हा/प्रदेश स्तरावरील पक्ष संघटनात विविध जबाबदाऱ्या यशस्वीरित्या पार पाडल्या आहेत.
सलग नगरसेवक,उपनगराध्यक्ष, प्रभारी नगराध्यक्ष,बाजार समितीचे सभापती व प्रशासकीय सदस्य, तसेच कळंब तालुका काँग्रेसचे अध्यक्ष अशा विविध पदांवर त्यांनी सक्षम नेतृत्व दिलं आहे.त्यांच्या कार्यकाळात रस्ते,पाणी,वीज व शेतकरी समस्या यांवर प्रभावी उपाययोजना करण्यात त्यांनी मोलाचं योगदान दिलं आहे.
गेल्या वर्षी विधानसभा निवडणुकीसाठी इच्छुक असतानाही,पक्षाच्या आदेशाला प्राधान्य देत त्यांनी नम्रपणे माघार घेतली,ही बाब त्यांच्या प्रामाणिक पक्षनिष्ठेचं उत्तम उदाहरण ठरली आहे.
काही दिवसांपूर्वीच त्यांनी संसद भवन,नवी दिल्ली येथे विरोधी पक्षनेते राहुल गांधी यांची सदिच्छा भेट घेतली होती या भेटीत राज्यातील संघटनात्मक घडामोडी व आगामी राजकीय दिशा यावर सविस्तर चर्चा झाली.
या नवीन जबाबदारीबद्दल राजकीय,सामाजिक आणि काँग्रेस पक्षाच्या सर्व स्तरातून त्यांच्यावर अभिनंदनाचा वर्षाव होत आहे. त्यांच्या अनुभवाचा आणि कार्यकुशलतेचा लाभ पक्ष संघटन बळकटीकरणासाठी निश्चितच मोलाचा ठरेल,असा विश्वास व्यक्त केला जात आहे.
Exclusive
Breaking News
जय भवानी विद्यालय,पारा येथे शिक्षण महर्षी कै.ज्ञानदेव मोहेकर गुरुजींना अभिवादन
शिक्षण महर्षी कै.ज्ञानदेव मोहेकर गुरुजींना ज्ञान प्रसारच्या वतीने अभिवादन
ज्ञान महर्षी कै.ज्ञानदेव मोहेकर गुरूजींना ज्ञानोद्योग विद्यालयात अभिवादन
संचालिका सौ.अंजली मोहेकर यांची विद्याभवन प्राथमिक विद्यामंदिरास सदिच्छा भेट
विद्यामंदिर हायस्कूल आष्टा येथे शिक्षण महर्षी ज्ञानदेव मोहेकर गुरुजींना अभिवादन
More Stories
संचालिका सौ.अंजली मोहेकर यांची विद्याभवन प्राथमिक विद्यामंदिरास सदिच्छा भेट
मोहेकर महाविद्यालयात ग्रंथालय शास्त्राच्या राष्ट्रीय चर्चासत्राचे आयोजन
भीमराव दादा सत्यवचनी व्यक्तिमत्व होतं – डॉ. माणिक डिकले