- बीड – शून्यातून उभं राहून स्वतःच्या कष्टाच्या जोरावर यश संपादन करणाऱ्या व्यक्तींच्या कथा नेहमीच प्रेरणादायी असतात. अशीच एक संघर्षमय आणि प्रेरणादायी कहाणी म्हणजे बाजीराव दादा चव्हाण यांची.
सामान्य कुटुंबातून आलेल्या या तरुणाकडे ना कोणती राजकीय पार्श्वभूमी होती, ना कोणाचा विशेष पाठिंबा; मात्र जिद्द, मेहनत आणि लोकसेवेची प्रबळ इच्छाशक्ती यांच्या जोरावर त्यांनी स्वतःची वेगळी ओळख निर्माण केली. त्यांच्या आयुष्याचा प्रवास अत्यंत खडतर होता, परंतु त्यांनी प्रत्येक अडचणीला सामोरं जात आपली वाट स्वतःच निर्माण केली.
सध्या बाजीराव दादा चव्हाण हे युवासेना मराठवाडा निरीक्षक म्हणून कार्यरत असून, शिवसेना वैद्यकीय मदत कक्षाच्या माध्यमातून बीड जिल्ह्यातील नागरिकांसाठी महत्त्वपूर्ण काम करत आहेत. विशेषतः गरजू रुग्णांना हॉस्पिटल बिलामध्ये सवलत मिळवून देणे, आर्थिक मदत उभी करणे अशा उपक्रमांमुळे त्यांनी अनेक कुटुंबांना दिलासा दिला आहे. त्यामुळेच त्यांची ओळख ‘आरोग्यदूत’ म्हणून निर्माण झाली आहे.
राजकीय क्षेत्राबरोबरच त्यांनी व्यावसायिक क्षेत्रातही आपली छाप पाडली आहे. प्रामाणिकपणा, गुणवत्ता आणि लोकांचा विश्वास या बळावर त्यांनी यशाची उंची गाठली आहे. त्यांच्या कार्यपद्धतीत स्वार्थ, दिखाऊपणा किंवा चापलुसीला स्थान नाही. पक्षवाढ आणि संघटन बळकट करणे हा त्यांचा कायमचा ध्यास असल्याचे सहकाऱ्यांचे मत आहे.
आज त्यांच्या प्रगतीकडे पाहताना अनेकांना हे यश सहज मिळाल्यासारखे वाटते. मात्र, या यशामागे अनेक वर्षांचा संघर्ष, अपयश आणि कुटुंबियांचा त्याग दडलेला आहे. एकेकाळी उपेक्षा सहन करणाऱ्या या व्यक्तीचे नाव आज बीड जिल्ह्यात राजकीय, सामाजिक आणि आरोग्य क्षेत्रात आदराने घेतले जाते.
त्यांचा जीवनप्रवास हा आजच्या तरुणांसाठी प्रेरणादायी ठरत आहे. “इच्छाशक्ती, प्रामाणिक मेहनत आणि जनतेप्रती निष्ठा असेल, तर यश नक्कीच मिळते,” हा संदेश त्यांच्या कार्यातून स्पष्टपणे दिसून येतो.
बाजीराव दादा चव्हाण हे आज केवळ एक राजकीय कार्यकर्ते नाहीत, तर सर्वसामान्यांच्या समस्या समजून घेणारे आणि मदतीसाठी सदैव तत्पर असलेले खरे जननायक म्हणून ओळखले जात आहेत.
— प्रशांत विकास शेळके
युवासेना कॉलेज कक्ष प्रमुख, धाराशिव जिल्हा
Exclusive
Breaking News
“महिलांच्या नेतृत्वात साजरी होणार डॉ.बाबासाहेब आंबेडकर जयंती”;कळंब आगारात जयंती समितीची घोषणा
“प्रत्येक कुटुंबाला हक्काचे घर देणारच!” – नगराध्यक्षा सुनंदा कापसे
कर्णबधिरतेवर मात करत आंतरराष्ट्रीय नेमबाजीत झेप – चेतन सपकाळचा प्रेरणादायी प्रवास
पनवेल आगारात ARTFX स्कूल ऑफ ॲनिमेशनचा स्तुत्य उपक्रम
मुख्यमंत्री देवेंद्र फडणवीस यांच्या हस्ते एसटीच्या NCMC स्मार्ट कार्डचे लोकार्पण
More Stories
“शाश्वत विकासाचा आदर्श नमुना! बोरफडी ग्रामपंचायतीच्या उपक्रमांची उपमुख्य कार्यकारी अधिकाऱ्यांकडून प्रशंसा”
मुख्यमंत्री माझी लाडकी बहिण योजनेची ई-केवायसी करण्यास मुदतवाढ : बाजीराव ढाकणे यांचा पाठपुरावा यशस्वी
ॲड.वर्षाताई देशपांडे यांना “युनायटेड नेशन्स पॉप्युलेशन अवॉर्ड २०२५”; न्युयॉर्कमध्ये जागतिक सन्मान