धाराशिव – डाॅ.बाबासाहेब आंबेडकर मराठवाडा विद्यापीठ उपपरिसरात भारतीय राज्यघटनेच्या ७५ व्या वर्धापन दिनानिमित्त ‘संविधान दिन’ उत्साहात साजरा करण्यात आला. विद्यापीठ उपपरिसराचे संचालक प्रा. डाॅ.प्रशांत दीक्षित यांचे हस्ते प्रतिमेस पुष्पहार अर्पण करुन कार्यक्रमास प्रारंभ झाला. उपस्थित सर्वांनी प्रतिमेस पुष्प अर्पण केले. डाॅ.गणेश शिंदे यांनी राज्यघटना उद्देशिकेचे वाचन केले. उद्देशिका सामुदायिक वाचनात सर्वांनी सहभाग घेतला. संविधान दिनानिमित्त प्रशासकीय इमारतीपासून विज्ञान भवन – प्रशासकीय इमारतीपर्यंत पदयात्रेचे आयोजन करण्यात आले. या कार्यक्रमाच्या यशस्वीतेसाठी राष्ट्रीय सेवा योजना कार्यक्रम अधिकारी डाॅ. मेघश्याम पाटील, डाॅ.राहुल खोब्रागडे, डाॅ. जितेंद्र शिंदे यांनी परिश्रम घेतले. या समारंभास विद्यापीठ उपपरिसरातील विविध विभागातील विभागप्रमुख, प्राध्यापक,कर्मचारी,विद्यार्थी, विद्यार्थीनी बहुसंख्येने उपस्थित होते.
More Stories
आरोग्य सेवेची नवी झेप : जिल्ह्यात अत्याधुनिक आरोग्य सुविधांमुळे रुग्णांना दिलासा
धाराशिव जिल्ह्यात ५७४ रुग्णांना सुमारे ४.८४ कोटींची मदत
रोटरी क्लब धाराशिवचा वार्षिक आढावा व वोकेशनल अवॉर्ड सोहळा उत्साहात;पांडुरंग घोडके यांचा विशेष सन्मान