- धाराशिव – धाराशिव जिल्हाधिकारी कार्यालय समोर सुरू असलेले धनगर समाजातील चार युवकांचे बेमुदत अमरण उपोषण महाराष्ट्र राज्याचे मुख्यमंत्री एकनाथरावजी शिंदे यांच्या सोबत भ्रमणध्वनीवर झालेल्या संभाषणानंतर व मुंबईत बैठक लावण्याच्या आश्वासनानंतर स्थगित करण्यात आले. धनगर समाजाला अनुसूचित जमातीच्या आरक्षणाची अंमलबजावणी करण्यासंदर्भात शाम तेरकर, कमलाकर दाणे,समाधान पडुळकर व राजू मैंदाड हे चारजण सोमवार दिनांक 15 जुलै पासून जिल्हाधिकारी कार्यालयासमोर बेमुदत उपोषणास बसले आहेत. उपोषणाच्या सहाव्या दिवशी रात्री उशिरा महाराष्ट्राचे मुख्यमंत्री एकनाथरावजी शिंदे यांच्यापर्यंत हा विषय पोहोचल्यानंतर त्यांनी शिवसेनेचे जिल्हाप्रमुख सुरज साळुंखे यांच्या मोबाईलवर संपर्क साधून उपोषणा संदर्भात माहिती घेतली व उपोषणकर्त्याला संवाद साधण्याचा निर्णय घेतला. त्यानुसार उपोषण करते शाम तेरकर यांच्याशी मोबाईलवर सविस्तर चर्चा केली व विषय समजून घेऊन तो सोडवण्यासाठी मंत्रालयामध्ये आठ दिवसाच्या आत बैठक लावण्याचे आश्वासन दिले. त्यानुसार रविवारी दुपारी बारा वाजता मुख्यमंत्र्याचे दोन प्रतिनिधी धाराशिव शहरात पोहोचले त्यामध्ये बाळासाहेब किसवे व योगेश केदार यांनी मुख्यमंत्र्यांचा संदेश उपोषण करत्याना सांगितला. सरकारच्या वतीने निवासी जिल्हाधिकारी श्रीमती शोभा जाधव यांनी त्यांच्या हस्ते उपोषण करत्यांना लिंबू सरबत देऊन उपोषण सोडवले. अखेर सातव्या दिवशी धनगर समाजाच्या उपोषणाची दखल घेऊन प्रश्न मार्गी लावण्याच्या मुख्यमंत्र्याच्या आश्वासनानंतर उपोषण स्थगित करण्यात आले. मंत्रालयामध्ये मुख्यमंत्री यांच्यासोबत लावलेल्या बैठकीत ही काहीच निर्णय नाही झाल्यास उग्र आंदोलन करण्याचा निर्णय घेण्यात आला. यावेळी शिवसेनेचे जिल्हाप्रमुख सुरज महाराज साळुंखे, भारत डोलारे, दत्ता बंडगर, राजाभाऊ वैद्य, इंद्रजीत देवकते, डॉ.गोविंद कोकाटे, प्रा.मनोज डोलारे, प्रा. सोमनाथ लांडगे, इंद्रजीत देवकते, लिंबराज डुकरे, श्रीकांत तेरकर,मुकुंद घुले, बालाजी तेरकर, अमोल मैंदाड, सुभाष मैंदाड, संतोषकुमार वतने, बालाजी वगरे, गणेश एडके, श्रीमंत डुकरे, प्रशांत आरसुळे, राघवेंद्र गावडे, अक्की बर्वे, सचिन चौरे, हनुमंत डुकरे, स्वप्नील सोनटक्के, अमोल भोजने, कैलास लवटे, नितीन लवटे, शुभम नरटे, समाधान लहाडे, रवी देवकते, अक्षय भांगे, बालाजी गडदे, व समाज बांधव मोठ्या संख्येत उपस्थित होते.
Exclusive
Breaking News
संस्थामाता सुमनताई मोहेकर स्मृतिदिन विशेषांकाचे उत्साहात वितरण
साक्षी कोचिंग क्लासेसमध्ये मुख्याध्यापक आनंद रामटेके यांचे उत्साहात स्वागत
अखिल भारतीय महापशुधन एक्स्पो २०२६ च्या लोगोचे जिल्हाधिकारी किर्ती किरण पुजार यांच्या हस्ते अनावरण
उपमुख्यमंत्री सुनेत्रा अजित पवार यांनी मंत्रालयात पदभार स्वीकारला
उपमुख्यमंत्री एकनाथ शिंदे यांच्या वाढदिवसानिमित्त पिंपळगाव डोळा येथील मंदिरास भेट
More Stories
अखिल भारतीय महापशुधन एक्स्पो २०२६ च्या लोगोचे जिल्हाधिकारी किर्ती किरण पुजार यांच्या हस्ते अनावरण
निवडणुकीत ७ लक्ष ४७ हजार ३७० मतदारांनी बजावला मतदानाचा हक्क
इतर मागास बहुजन कल्याण विभागाच्या पुरस्काराकरिता अर्ज करण्याचे आवाहन