व्यक्ती व संस्थाकडून कृषी पुरस्कारांसाठी प्रस्ताव मागविले

धाराशिव (जिमाका)- राज्यात कृषी आणि संलग्न क्षेत्र तसेच फलोत्पादन क्षेत्रामध्ये उल्लेखनीय कार्य करणाऱ्या,कृषी उत्पादन आणि उत्पन्न वाढीकरिता योगदान देणाऱ्या शेतकऱ्यांचा तसेच कृषी विस्तारामध्ये बहुमोल कामगिरी करणाऱ्या व्यक्ती/संस्था/गट यांना डॉ.पंजाबराव देशमुख कृषीरत्न पुरस्कार,वसंतराव नाईक कृषीभूषण पुरस्कार, जिजामाता कृषीभूषण पुरस्कार, सेंद्रीय शेती कृषीभूषण पुरस्कार, उद्यानपंडीत पुरस्कार,वसंतराव नाईक शेतीमित्र पुरस्कार,वसंतराव नाईक शेतीनिष्ठ शेतकरी पुरस्कार,युवा शेतकरी पुरस्कार व कृषी विभागामध्ये उल्लेखनीय कार्य करणाऱ्या अधिकारी / कर्मचारी यांना पद्मश्री डॉ.विठ्ठलराव विखे पाटील कृषी सेवारत्न पुरस्काराने सन्मानित करण्यात येते.
जिल्ह्यात कृषी विभागामार्फत सन 2023 या वर्षामध्ये कृषी व संलग्न क्षेत्रात उल्लेखनीय कार्य केलेल्या व्यक्ती / गट / संस्था यांचे वरीलप्रमाणे कृषी पुरस्कारांसाठी प्रस्ताव मागविण्यात येत आहेत.तरी जास्तीत जास्त शेतकरी /गट / संस्था/व्यक्ती यांनी विविध कृषी पुरस्कार प्रस्ताव आपल्या नजीकच्या तालुका कृषी अधिकारी कार्यालयात सादर करावे.असेआवाहन जिल्हा अधिक्षक कृषी अधिकारी रविंद्र माने यांनी केले आहे. विविध कृषी पुरस्कार प्रस्ताव तयार करण्यासाठी व अधिक माहितीसाठी नजीकच्या तालुका कृषी अधिकारी कार्यालयाशी किंवा गावातील कृषी सहाय्यकाशी संपर्क साधावा.