गुणवंत मुलामुलींना परदेशात उच्च शिक्षणासाठी मिळणार शिष्यवृत्ती

लाभाचे स्वरुप – विद्यापीठाने प्रमाणित केलेल्या शिक्षण शुल्काची पुर्ण रक्कम.विद्यापीठाच्या निकषानुसार वैयक्तिक आरोग्य विमा खर्च.विद्यार्थ्यांस वार्षिक निर्वाह भत्ता परदेशातील संबंधित शैक्षणिक संस्थेने ठरवुन दिलेल्या अथवा भारत सरकारच्या डीसीपीटी विभागाने ठरवुन दिलेल्या दराप्रमणे अथवा राज्य शासनाने वेळोवेळी जाहिर करेल ती रक्कम निर्वाह भत्ता म्हणून देण्यात येईल.

विद्यार्थ्यांना परदेशात जाताना व अभ्यासक्रम यशस्वीरित्या पूर्ण केल्यानंतर परत येताना विमान खर्च अनुज्ञेय असेल.अन्य अटी व शर्ती हया सविस्तर जाहिरातीमध्ये तसेच विजाभज, इमाव व विमाप्र कल्याण विभागाच्या 11 ऑक्टोबर 2018 शासन निर्णयात नमुद केल्याप्रमाणे लागू राहतील.अर्जाचा नमुना,शासन निर्णय व अधिक माहितीसाठी www.maharashtra.gov.in या संकेतस्थळावरील रोजगार या लिंकवर भेट दयावी.योजना शासन निर्णय इमाव,सावशैमाप्र,विजाभज आणि विमाप्रा कल्याण विभागाच्या 1 जुलै 2024 च्या शासन निर्णयानुसार अर्ज संचालक,इतर मागास बहुजन कल्याण संचालनालय,महाराष्ट्र राज्य पुणे-1 यांच्याकडे 15 जुलै-2024 रोजी सायं 6.15 पर्यंत जमा करावे. असे आवाहन इतर मागास बहुजन कल्याण विभागाचे सहाय्यक संचालक बाबासाहेब अरवत यांनी केले आहे.