सावित्रीबाई फुले विद्यालयातर्फे परमेश्वर मोरे यांचा सत्कार

कळंब – येथील सावित्रीबाई फुले विद्यालयातील सहशिक्षक परमेश्वर चत्रभुज मोरे यांना नुकताच आट्या – पाट्या या खेळातील उत्कृष्ठ कामगीरी बाबत शै. वर्ष 2020-21 चा जिल्हा गुणवंत क्रीडामार्गदर्शक हा पुरस्कार पालकमंत्री तानाजी सावंत यांच्या हस्ते प्रदान करण्यात आला. त्याबद्दल विद्यालयाच्या वतीने मुख्याध्यापक जे.एन. पठान यांच्या हस्ते सत्कार करण्यात आला. यावेळी उपप्राचार्या डॉ. श्रीमती मिनाक्षीताई शिंदे ( भवर) , पर्यवेक्षक काकासाहेब मुंढे, समर्थ प्राथमिक शाळेच्या मुख्याध्यापिका श्रीमती सुलभाताई शिंदे , तसेच शिक्षक व शिक्षकेत्तर कर्मचारी मोठ्या संखेने उपस्थित होते.
परमेश्वर मोरे यांनी जिल्हा संघटनेच्या मदतीने सावित्रीबाई फुले विद्यालयातून आट्या – पाट्या या खेळाचा प्रसार केला ,अनेक खेळाडू राज्य व राष्ट्रीय स्तरावर खेळवले तसेच कळंब शहरातात त्यांच्या प्रयत्नातून 2014 साली पहिली राज्यस्तरीय आट्यापाट्या स्पर्धा भरवण्यात आली होती.
त्यांच्या यशाबद्दल रणसम्राट क्रीडा मंडळाच्या अध्यक्षा श्रीमती मनोरमाताई शेळके , सचिव अॅड . चत्रभुज भवर , उपाध्यक्ष श्री.पी.एन भवर , कार्याध्यक्ष श्रीधर (बाबा) भवर यांनीही अभिनंदन केले.