- मुंबई – पॅरिस येथील युनेस्को मुख्यालयात विश्वरत्न डॉ.बाबासाहेब आंबेडकर यांच्या पुतळ्याचे अनावरण करण्यात आले.संयुक्त राष्ट्रसंघाच्या इतिहासात प्रथमच डॉ. बाबासाहेब आंबेडकर यांचा पुतळा युनेस्कोमध्ये स्थापित करण्यात आल्याने या घटनेला विशेष ऐतिहासिक महत्त्व प्राप्त झाले आहे. जगभरातील नागरिकांना डॉ. आंबेडकर यांनी देशाला दिलेल्या संविधानाची तसेच शिक्षण, मानवाधिकार आणि सामाजिक समतेच्या मूल्यांची ओळख करून देणे, हाच या उपक्रमाचा मुख्य उद्देश असल्याचे युनेस्को,पॅरिस येथील भारताचे राजदूत व स्थायी प्रतिनिधी विशाल व्ही.शर्मा यांनी सांगितले.
राजदूत विशाल शर्मा यांनी दादर येथील चैत्यभूमीला भेट देऊन भारतरत्न डॉ. बाबासाहेब आंबेडकर यांना अभिवादन केले.त्यावेळी ते बोलत होते.
राजदूत विशाल शर्मा म्हणाले, केंद्र शासन व राज्य शासनाच्या संयुक्त पुढाकारातून साकार झालेल्या या निर्णयामुळे संयुक्त राष्ट्रसंघाच्या इतिहासात प्रथमच डॉ.बाबासाहेब आंबेडकर यांचा पुतळा युनेस्कोमध्ये स्थापित झाला आहे.शिक्षणालाच प्रगतीचे मुख्य साधन मानणाऱ्या डॉ. आंबेडकर यांचे जीवन आजच्या युवकांसाठी प्रेरणास्थान ठरत आहे.
डॉ.बाबासाहेब आंबेडकर हे माझ्यासाठी बालपणापासून आदर्श आहेत.शिक्षणाच्या जोरावर यश मिळवण्याचा मार्ग बाबासाहेबांनी दाखवला असून,जात,धर्म,पंथ यापलीकडे जाऊन शिक्षण घेण्याची प्रेरणा त्यांनी समाजाला दिली. बाबासाहेबांच्या जीवनातून प्रेरणा घेऊन अभ्यासावर लक्ष केंद्रित करण्याचे आवाहन त्यांनी यावेळी युवकांना केले.
प्रसारमाध्यमांशी संवाद साधताना राजदूत विशाल शर्मा म्हणाले, डॉ. बाबासाहेब आंबेडकर यांचा पुतळा युनेस्कोला भेट स्वरूपात देण्याचा ऐतिहासिक निर्णय शासनाच्या सहकार्यामुळे शक्य झाले. राजदूत विशाल शर्मा यांनी प्रधानमंत्री नरेंद्र मोदी, मुख्यमंत्री देवेंद्र फडणवीस, अपर मुख्य सचिव विकास खारगे तसेच महाराष्ट्र शासनाचे यावेळी आभार मानले.
Exclusive
Breaking News
युद्धाचे पडसाद : सामान्य शेतकरी माणसाच्या आयुष्यातील बदल
धाराशिव जिल्हा परिषदेत अध्यक्ष अर्चनाताई पाटील यांचा गौरवपूर्ण सत्कार
कळंब खरेदी-विक्री संघाची निवडणूक जाहीर;१८ एप्रिलला मतदान
गुढीपाडवा उपक्रमातून शिक्षणाची नवी सुरुवात;चिमुकल्यांनी भरली शाळा
सख्ख्या भावांची कमाल! महाराष्ट्र केसरी 2026 मध्ये रा.गे.शिंदे महाविद्यालयाचा झेंडा उंचावला
More Stories
महाराष्ट्रात गेमिंग व क्रिएटर इकॉनॉमीला चालना;डिजिटल पायाभूत सुविधांवर भर — मुख्यमंत्री देवेंद्र फडणवीस
“स्थगिती नसताना शेतकऱ्यांचे पैसे का अडवले?” – २०२० च्या पीकविम्यावर आमदार कैलास पाटील विधानसभेत आक्रमक
१७ ते २० मार्चदरम्यान मेघगर्जनेसह वादळी पावसाचा इशारा;शेतकऱ्यांनी पिकांची काळजी घ्यावी – कृषी विभागाचे आवाहन