- धाराशिव (जिमाका)- शैक्षणिक वर्ष २०१९-२० ते २०२२-२३ या कालावधीत अनुसूचित जाती प्रवर्गातील विद्यार्थ्यांचे महाडीबीटी ऑनलाईन प्रणालीवरील अर्ज विद्यार्थी स्तरावर प्रलंबित असून त्यासाठी दिलेली Re-apply ची मुदत संपली आहे. त्यामुळे अनेक पात्र विद्यार्थी शिष्यवृत्तीच्या लाभापासून वंचित राहण्याची वेळ आली आहे.
अनुसूचित जाती विद्यार्थ्यांना भारत सरकार शिष्यवृत्ती,शिक्षण व परीक्षा शुल्क परतावा, राजर्षी शाहू महाराज गुणवत्ता शिष्यवृत्ती तसेच व्यावसायिक अभ्यासक्रम शिकणाऱ्यांना निर्वाह भत्ता यांसारख्या शिष्यवृत्ती योजनांचा लाभ महाडीबीटी प्रणालीद्वारे मिळतो.मात्र Re-apply मुदत संपल्यानंतरही अनेक अर्ज विद्यार्थीस्तरावर प्रलंबित राहिल्याचे समाज कल्याण आयुक्तालय,पुणे यांच्या निदर्शनास आले आहे.
या अर्जांचे परीक्षण करून त्यांना मंजूर किंवा नामंजूर करण्यासाठीची सुविधा महाविद्यालय लॉगिनमध्ये Scrutiny या पर्यायामध्ये उपलब्ध करून देण्यात आली आहे.सदर प्रलंबित अर्ज २२ सप्टेंबर २०२५ पर्यंत निकाली काढणे बंधनकारक असल्याचे स्पष्ट निर्देश देण्यात आले आहेत.
विहीत मुदतीत अर्ज निकाली न काढल्याने एखादा विद्यार्थी शिष्यवृत्तीपासून वंचित राहिल्यास त्याची जबाबदारी संबंधित महाविद्यालयाच्या प्राचार्यांवर राहील, असा इशारा समाज कल्याण विभागाचे सहाय्यक आयुक्त सचिन कवले यांनी दिला आहे.
Exclusive
Breaking News
“राज्य लॉटरी आमच्या हक्कांची; नाही ‘राजश्री’च्या बापाची!” — विक्रेत्यांचा एल्गार,विक्री बंदचा इशारा
“भूमिपुत्रांचा संयम संपत चालला” — आगरी सेनेचा रास्ता रोकोचा इशारा – कैलास पाटील
आरोग्य सेवेची नवी झेप : जिल्ह्यात अत्याधुनिक आरोग्य सुविधांमुळे रुग्णांना दिलासा
“कामगार चळवळीचा कणखर आधारवड हरपला” — अच्युतराव माने पाटील यांचे निधन
“आरक्षणावर उपवर्गीकरणाचा घाव चालणार नाही” कळंबमध्ये ४ मे रोजी भव्य मोर्चाची हाक
More Stories
आरोग्य सेवेची नवी झेप : जिल्ह्यात अत्याधुनिक आरोग्य सुविधांमुळे रुग्णांना दिलासा
धाराशिव जिल्ह्यात ५७४ रुग्णांना सुमारे ४.८४ कोटींची मदत
रोटरी क्लब धाराशिवचा वार्षिक आढावा व वोकेशनल अवॉर्ड सोहळा उत्साहात;पांडुरंग घोडके यांचा विशेष सन्मान