खाजगी संस्थांनाही अनुदान लागु करा – जिल्हाध्यक्ष संजय दुधगावकर

धाराशिव (राजेंद्र बारगुले )  – धाराशिव जिल्ह्यात सरकारी दुधसंघ नसल्यामुळे दुध उत्पादकांना शासनाचे पाच रुपये अनुदान मिळणार नाही त्यामुळे खाजगी संस्थांनाही अनुदान लागु करा ह्या मागणीचे निवेदन महाराष्ट्र राज्याचे पशुसंवर्धन व दुध उत्पादन मंत्री राधाकृष्ण विखे पाटील यांना राष्ट्रवादी कॉंग्रेसचे जिल्हाध्यक्ष संजय
दुधगावकर यांनी केले आहे.
निवेदनात पुढे म्हटले आहे की,मागील पाच वर्षापासून धाराशिव जिल्ह्यात आसमानी आणि सुलतानी संकटाचा पाठशिवणीचा खेळ चालु आहे. यातच यावर्षी दुष्काळी परिस्थिती उदभवली आहे. शेती उत्पादनातून शेतकऱ्याच्या हाती फारसे कांही लागले नाही.यामुळे शेतकरी आथीक अडचणीत असताना शेतीला पूरक असा दुध व्यवसाय या जिल्ह्यात असून जवळपास चार ते पाच लाख लिटर दुध दररोज खाजगी संस्थांकडे दुध उत्पादक पाठवत आहेत. मागील तीन महिन्यांपासून दुधाचे दर कमी झाल्याने शेतीचा पुरक दुग्ध व्यवसाय अडचणीत आला आहे.या विरोधामध्ये आम्ही जिल्ह्यात वेळोवेळी आंदोलने केली आहेत. शासनाने यावर उपाय म्हणून शासनाचे प्रती लिटर पाच रुपये अनुदान सहकारी संघाला दुध विक्री झालेल्या उत्पादकांना देण्याचे जाहीर केले. परंतू या जिल्ह्यात एकही सहकारी दुध उत्पादक संस्था सुरु नसल्याने दुध उत्पादक त्यांचे दुध जिल्ह्याबाहेरील १९ संस्थांकडे पाठवत असल्यामुळे शासनाने दिलेल्या अनुदानाचा फायदा जिल्ह्यातील एकाही दुध उत्पादकाला होणार नाही. त्यामुळे शासनाने सहकारी संस्थेकडे दुध घालण्याची अट रद्द करुन प्रती लिटर पाच रुपये दुधाचे अनुदान दुध उत्पादकाच्या खात्यावर वर्ग परस्पर जमा करण्यासंदर्भात आदेशीत करावे व जिल्ह्यातील दुध उत्पादकांना मदतीचा हात द्यावा ही नम्र विनंती.अन्यथा या विरोधात लोकशाही पद्धतीने आंदोलन करण्यात येईल याची नोंद घेण्यात यावी.