नवी दिल्ली – महाराष्ट्राचे मुख्यमंत्री देवेंद्र फडणवीस यांनी दि.११ डिसेंबर नवी दिल्ली येथे राष्ट्रपती श्रीमती द्रौपदी मुर्मू आणि उपराष्ट्रपती जगदीप धनखड यांची सदिच्छा भेट घेतली. महाराष्ट्राच्या मुख्यमंत्रीपदाची सूत्रे स्वीकारल्यानंतर देवेंद्र फडणवीस यांचा हा पहिलाच दिल्ली दौरा आहे. दिल्लीत आगमन झाल्यावर मुख्यमंत्री देवेंद्र फडणवीस यांनी राष्ट्रपती भवनात जाऊन राष्ट्रपती श्रीमती द्रौपदी मुर्मू यांची भेट घेतली. महाराष्ट्राचे दैवत असलेल्या विठ्ठल-रुख्मिणीची मूर्ती देऊन त्यांचा आदर-सत्कार केला आणि त्यांचे आशिर्वाद घेतले. त्यानंतर मुख्यमंत्री देवेंद्र फडणवीस हे थेट उपराष्ट्रपती जगदीप धनखड यांच्या निवासस्थानी गेले.तेथे त्यांना विठ्ठल-रुख्मिणीची मूर्ती देऊन उपराष्ट्रपती महोदयांचा सत्कार केला आणि त्यांचे आशिर्वाद घेतले.
More Stories
दलित महासंघाच्या दिल्ली प्रदेशाध्यक्षपदी विक्रम सोळसे यांची नियुक्ती
मुख्यमंत्री देवेंद्र फडणवीस यांच्या विधानावर भारत जोडो अभियानाची प्रतिक्रिया
भारत सरकार तर्फे राष्ट्रीय सामाजिककार्य पुरस्काराने ॲड.अजय वाघाळे सन्मानित