खेड – राष्ट्रीय सेवा योजना,डॉ. बाबासाहेब आंबेडकर मराठवाडा विद्यापीठ,उप परिसर धाराशिव यांचे खेड येथे आयोजित विशेष वार्षिक श्रम संस्कार शिबिराचा पाचवा दिवस (दि. 10 फेब्रुवारी), या पाचव्या दिवसाची सुरुवात ही श्रमदानाने करण्यात आली. शिबिरार्थीनी शाळेमध्ये लॉन तयार करण्यासाठी विशिष्ट प्रकारचे हराळ (गवत ) रोपण केले.कालांतराने शाळेच्या मध्यवर्ती भागामध्ये छान असे लॉन तयार होईल.या कामामध्ये शाळेतील शिक्षक व शिक्षेकेतर कर्मचारी,तसेच मुख्याध्यापक विकास मुळे यांनी मदत केली. दुपारच्या सत्रामध्ये आर्ट ऑफ लिव्हिंगचे लक्ष्मण काकडे यांचे योग,साधना व ध्यान या विषयावर विशेष व्याख्यान आयोजित करण्यात आले. या कार्यक्रमाच्या अध्यक्षस्थान डॉ.महेश्वर कळलावे, शिक्षणशास्त्र विभाग,विद्यापीठ उप -परिसर,धाराशिव यांनी भूषविले. आपल्या मार्गदर्शनामध्ये काकडे यांनी शरीर,श्वास आणि मन या विषयी माहिती दिली.आर्ट ऑफ लिव्हिंग या संस्थेविषयी तसेच श्री.श्री.रविशंकर गुरुजी यांच्या बाबत माहिती दिली. तसेच विद्यार्थ्यांकडून सूक्ष्म योगा तसेच ध्यान करून घेतले. आपल्या अध्यक्षीय समारोपामध्ये डॉ. कळलावे यांनी आर्ट ऑफ लिव्हिंग च्या माध्यमातून ध्यान आणि साधना या बाबतीत चांगले कार्य होत आहे व ते मानव जाती साठी हितकारक आहे, असे विचार व्यक्त केले. या कार्यक्रमाचे सूत्रसंचालन ऋतुजा लबडे यांनी तर श्वेता राजमाने यांनी आभार व्यक्त केले.
*”प्रात्यक्षिका द्वारे अंधश्रद्धा निर्मूलन”* तिसऱ्या सत्रामध्ये ग्रामपंचायत परिसरामध्ये अंधश्रद्धे संबंधित प्रात्यक्षिकांचे आयोजन करण्यात आले. या सत्राला डॉ.बी.एस. माळी हे प्रमुख मार्गदर्शक म्हणून उपस्थित होते.तसेच या कार्यक्रमाच्या अध्यक्ष स्थानी सरपंच सुनील गरड होते. या कार्यक्रमाला बालाजी यावलकर, पोलीस पाटील लहू गवाड, नितीन आवटे, इतर मान्यवर व नागरिकांची मोठी उपस्थिती होती.
More Stories
फॉरेस्टच्या गवतावर तणनाशक फवारणी करून वृक्षलागवडीची नासधूस:वनपालावर कारवाईची मागणी
महसूल मंत्री चंद्रशेखर बावनकुळे यांच्या हस्ते चॅटबोटचे उद्घाटन
आंतरराष्ट्रीय व्हॉलीबॉल स्पर्धेसाठी जिल्हास्तरीय निवड चाचणी ११ ऑगस्टला