- धाराशिवn(जिमाका) – आंतरराष्ट्रीय पौष्टीक तृणधान्य वर्ष 2023 अंतर्गत कृषि विभागाच्या वतीने 06 डिसेंबर 2023 सकाळी 8 वाजता मिलेट दौड/रॅलीचे आयोजन करण्यात आले आहे. संयुक्त राष्ट्रसंघाने 2023 हे वर्ष आंतरराष्ट्रीय पौष्टीक तृणधान्य वर्ष म्हणून घोषित केले आहे.2023 हे वर्ष जागतिक स्तरावर आंतरराष्ट्रीय पौष्टीक तृणधान्य वर्ष म्हणून साजरे केले जात आहे. आहारातील तृणधान्य पिकविणाऱ्या शेतकऱ्यांच्या उत्पादनात वाढ झाली पाहीजे हा प्रमुख हेतू आहे.
पौष्टीक तृणधान्याचे महत्व लोकांपर्यंत पोहचविण्यासाठी कृषि विभागामार्फत जनजागृती केली जात आहे.त्याचाच एक भाग म्हणून या मिलेट रॅलीचे आयोजन करण्यात आलेले होते. सदर मिलेट रॅलीला जिल्हा अधिक्षक कृषि अधिकारी, रविंद्र माने, कार्यक्रम समन्वयक कृषि विज्ञान केंद्र, वर्षा मरवाळीकर व जिल्हा समन्वय अधिकारी महिला आर्थिक विकास महामंडळ, शोभा कुलकर्णी, कृषि उपसंचालक, अभिमन्यु काशिद,उपविभागीय कृषि अधिकारी, महादेव असलकर उपविभागीय कृषि अधिकारी,भुम शुक्राचार्य भोसले व तालुका कृषि अधिकारी यांच्या उपस्थितीत मिलेट रॅलीस हिरवा झेंडा दाखवुन सुरुवात झाली.
मिलेट रॅलीमध्ये कृषि विभागाचे 250 अधिकारी कर्मचारी व 100 शालेय विदयार्थी सहभागी झाले होते. सदर रॅलीची सुरुवात मध्यवर्ती प्रशासकीय इमारती पासुन होऊन पुष्पक मंगल कार्यालय,जिल्हा क्रिडा संकुल,जिल्हाधिकारी कार्यालय व शेवट मध्यवर्ती प्रशासकीय इमारत येथे झाला. यावेळी रॅलीचे मध्ये पौष्टीक तृणधान्यांचे आहारातील महत्व वाढविण्याच्या अनुषंगाने पौष्टीक तृणधान्यांच्या वेशात अधिकारी व कर्मचारी होते तसेच अधिकारी,कर्मचारी व शालेय विद्यार्थी यांच्या हातामध्ये पौष्टीक तृणधान्याचे महत्व विषद करणाऱ्या फलकाच्यां माध्यमातुन प्रचार व प्रसिध्दीच्या घोषणा देण्यात आल्या. रॅली संपल्यानंतर उपस्थित सर्व नागरीक,शालेय विद्यार्थी व अधिकारी/कर्मचारी तसेच मध्यवर्ती प्रशासकीय इमारतीतील सर्व विभागातील अधिकारी व कर्मचारी यांना ज्वारीचा हुरडा ,चटणी,राजगिरा व नाचणी लाडू अल्पोपाहार म्हणुन देण्यात आला.
या रॅलीच्या माध्यमातुन पौष्टीक तृणधान्य जसे की, ज्वारी,बाजरी,नाचणी,राळा,भगर इ. धान्यांचा आहारात दैनंदिन वापर करावा असे आवाहन नागरीकांना करण्यात येत होते.
Exclusive
Breaking News
More Stories
बँकांनी पिक कर्जासह अन्य योजनांसाठी कर्ज वेळेत उपलब्ध करुन द्यावेत – जिल्हाधिकारी किर्ती किरण पुजार
२१ जून आंतरराष्ट्रीय योग दिन साजरा होणार
मनाने मोठे… दिलदार मनाचे… संवेदनशील व्यक्तिमत्त्व-डॉ.प्रतापसिंह (भैय्यासाहेब) पाटील