कळंब – राष्ट्र सेवा दलाचे माजी अध्यक्ष,आपलं घर नळदुर्ग संस्थेचे आधारस्तंभ आणि ज्येष्ठ समाजवादी विचारवंत पन्नालाल सुराणा (वय ९३) यांचे २ डिसेंबर २०२५ रोजी रात्री सुमारे ९.३० वाजता नळदुर्ग येथून सोलापूरला नेत असताना वाटेत दुःखद निधन झाले. आज, दि.३ डिसेंबर २०२५ रोजी सकाळी त्यांचे देहदान सोलापूर सिव्हिल मेडिकल कॉलेज येथे करण्यात येणार आहे. पन्नालाल भाऊ हे दैनिक मराठवाडाचे माजी संपादक, ग्रामोदय समिती कुर्डवाडीचे अध्यक्ष,तडफदार समाजवादी विचारवंत,साहित्यिक आणि प्रभावी वक्ते होते. त्यांच्या जाण्याने समाजवादी चळवळीचा एक मजबूत आधारवड हरपल्याची भावना सर्वत्र व्यक्त होत आहे. सा.साक्षी पावनज्योत व प्रबुद्ध रंगभूमी बहुउद्देशीय संस्थेच्या वतीने त्यांना भावपूर्ण श्रद्धांजली वाहण्यात आली.
More Stories
बस तासनतास थांबवून प्रवाशांना त्रास;संतप्त प्रवाशांची तक्रार
विद्याभवन प्राथमिक विद्यामंदिर येथे शिक्षण महर्षी कै.ज्ञानदेव मोहेकर गुरुजींना अभिवादन
हुंडा प्रतिबंध व कौटुंबिक हिंसाचार जनजागृती काळाची गरज- ॲड.प्रियंका जाधव