- धाराशिव (जिमाका) – जिल्ह्यातील नागरिकांसाठी आज एक महत्त्वाचा क्षण ठरलेल्या धाराशिवच्या नूतन बसस्थानकाचे उद्घाटन मोठ्या उत्साहात पार पडले.महाराष्ट्र राज्य मार्ग परिवहन महामंडळाच्या (एसटी महामंडळ)वतीने उभारण्यात आलेल्या या अत्याधुनिक बसस्थानकाचे उद्घाटन परिवहन मंत्री, राज्य मार्ग परिवहन महामंडळाचे अध्यक्ष तथा पालकमंत्री प्रताप सरनाईक यांच्या हस्ते करण्यात आले.
यावेळी जिल्हाधिकारी किर्ती किरण पुजार, जिल्हा परिषदेचे मुख्य कार्यकारी अधिकारी डॉ.मैनाक घोष,पोलिस अधिक्षक संजय जाधव, एस.टी महामंडळाच्या उपमहाव्यपस्थापक अमृता ताम्हणकर,विभाग नियंत्रक विनोद भालेराव यांच्यासह राज्य मार्ग परिवहन महामंडळाचे अधिकारी,कर्मचारी उपस्थित होते.
नुतन बसस्थानक इमारतीत संरक्षक भिंत,सेप्टीक टँक आणि ड्रेनेज व्यवस्था,पाणी व्यवस्था, इलेक्ट्रिकम पॅनल रुम,पार्सल ऑफीस,कँटीन,रिझर्वेशन कक्ष, जेनेरिक मेडीकल,कंट्रोल केबीन आणि पेव्हर ब्लॉक बसविणे इ.गोष्टींचा अंतर्भाव करण्यात आला आहे.या नुतन इमारतीत महिलांसाठी हिरकणी कक्ष, सुसज्ज स्वच्छतागृह, अपंगांसाठी स्वच्छतागृह, रॅम्पची व्यवस्था,टॅकटाईल्स,सर्व प्रवाश्यांसाठी सुसज्ज प्रतिक्षालय,चौकशी कक्ष, पाण्याची व्यवस्था,कँटीन, चालक-वाहक विश्रांतीगृह असून वाणिज्य आस्थापनेसाठी 1 जेनेरिक मेडीकल,5 दुकाने बांधण्यात आली आहेत. बसस्थानकात 22 फलाट आहेत. सध्या बसस्थानकातील फरशी काम, प्रसाधनगृहाचे प्लास्टर, पाणीव्यवस्था करणे, बसस्थानकाची रंगरंगोटी करणे, दरवाजे खिडक्या बसविणे, प्रवासी प्रतिक्षालयामध्ये सिलिंग बसविणे इ.कामे पुर्ण झालेली आहेत. तसेच वाहनतळाचे काँक्रीटीकरण एम.आय.डी.सी.मार्फत करण्यात येत आहे.
Exclusive
Breaking News
“धाडस,विचार आणि सेवा यांचा संगम – पँथर अशोक कसबे” (वाढदिवस विशेष लेख)
उपशिक्षणाधिकारी दत्ताप्रसाद जंगम यांचा राष्ट्रीय ओबीसी अधिकारी महासंघाचे वतीने सत्कार
वृद्ध शेतकऱ्याला न्याय दिल्यामुळे उपविभागीय अधिकारी निलंगा यांचे फेसकॉम तर्फे सत्कार
माजी सैनिक पाल्याकरिता अग्निवीर सैन्य भरतीची संधी
खोट्या निवड याद्यांपासून सावध राहा:आरोग्य विभागाचे आवाहन
More Stories
उपशिक्षणाधिकारी दत्ताप्रसाद जंगम यांचा राष्ट्रीय ओबीसी अधिकारी महासंघाचे वतीने सत्कार
माजी सैनिक पाल्याकरिता अग्निवीर सैन्य भरतीची संधी
खोट्या निवड याद्यांपासून सावध राहा:आरोग्य विभागाचे आवाहन