गोविंदपूर (अविनाश सावंत ) – कळंब तालुक्यातील गोविंदपुर येथील जागृत देवस्थान श्री यमाई देवी यात्रा मोठ्या उत्साहात प्रारंभ होत आहे.या यात्रा म्होत्सवामुळे मंदिरावर आकर्षक विद्युत रोषणाई करण्यात आली आहे. दोन दिवशीय महोत्सवात विविध धार्मिक मनोरंजनात्मक कार्यक्रमाचे आयोजन करण्यात आले आहे.येथील ग्रामदैवत यमाई देवीच्या महोत्सव प्रति वर्षाप्रमाणे याही वर्षी कार्तिकी शुद्ध पौर्णिमेच्या दिवशी देवीची आराधना व विविध धार्मिक कार्यक्रमांनी प्रारंभ करण्यात आहे.यानिमित्त ग्रामस्थांनी एकास एक अशा सात बैलगाड्या जोडून माणसे भरून ओढण्याचा कार्यक्रम शुक्रवार (दि. १५) सायंकाळी ४ः३० ते ५:३० या कालावधीत पार पडणार आहे. परिसरातील महिला व पुरुषांनी हा चित्त थरारक अंगावर शहारे आणणारा कार्यक्रम अनुभववा. तसेच सायंकाळी देवीचा छबिना सोंगे तसेच लोकनाट्याचा कार्यक्रमाचे आयोजन करण्यात आले आहे.शनिवार (दि.१६) सकाळी हजेरीचा व दुपारी सोंगाचा कार्यक्रम सायं. ४ः00 वाजता जंगी कुस्त्याचा कार्यक्रम व रात्री लोकनाट्याचा कार्यक्रम होणार आहे. या यात्रा महोत्सवाचा लाभ घ्यावा असे आवाहन गोविंदपूर यात्रा कमिटीने केले आहे. यात्रा यशस्वी होण्यासाठी शिराढोण पोलिस ठाण्याचे पोलिस निरीक्षक कल्याण नेहरकर यांनी गोविंदपूर येथे भेट देवून मार्गदर्शन केले.
More Stories
फॉरेस्टच्या गवतावर तणनाशक फवारणी करून वृक्षलागवडीची नासधूस:वनपालावर कारवाईची मागणी
रक्षाबंधन
प्रथम क्रमांक पटकावणाऱ्या प्रीती महादवारसह यशस्वी छात्राध्यापकांचा गौरव सोहळा उत्साहात