- धाराशिव(जिमाका) – शासनाच्या रोजगार व स्वयंरोजगार धोरणाची प्रभावी अंमलबजावणी करण्याच्या दृष्टीने सुशिक्षित बेरोजगार /नोकरी इच्छुक उमेदवार यांना नोकरी उपलब्ध करून देण्याच्या उद्देशाने महाराष्ट्र शासनाच्या कौशल्य, रोजगार,उद्योजकता व नाविन्यता विभागामार्फत पंडित दिनदयाल उपाध्याय रोजगार मेळाव्याचे आयोजन करण्यात येते.
याचाच एक भाग म्हणून सोमवार, 24 जून रोजी सकाळी 11 वाजता जिल्हा कौशल्य विकास रोजगार व उद्योजकता मार्गदर्शन केंद्र, धाराशिव व शासकीय औद्योगिक प्रशिक्षण संस्था,धाराशिव यांचे संयुक्त विद्यमाने पुष्पक मंगल कार्यालय, नाईकवाडी नगर,धाराशिव येथे जिल्ह्यातील उमेदवारांसाठी “पंडित दिनदयाल उपाध्याय रोजगार मेळावा” आयोजित करण्यात आला आहे.
या रोजगार मेळाव्यात सहभागी होण्यासाठी पात्र व इच्छुक उमेदवारांनी कौशल्य विकास व रोजगार उद्योजकता विभागाच्या www.rojgar.mahaswayam.gov.in या संकेतस्थळावर जॉब सिकर रजिस्ट्रेशन (एम्प्लॉयमेंट नोंदणी) करुन वैयक्तिक माहिती,शैक्षणिक पात्रतेचा तपशील,आधार क्रमांक, मोबाईल,ई-मेल,पत्ता अद्यावत करावा. त्यानंतर रोजगार मेळाव्यात ऑनलाईन नोंदणी करावी.
तरी जिल्ह्यातील उमेदवारांनी पंडित दिनदयाल उपाध्याय रोजगार मेळावा व स्वयंरोजगार मार्गदर्शन मेळावामध्ये जास्तीत जास्त इच्छुकांनी सहभागी व्हावे व अधिक माहितीसाठी कार्यालयाचे दूरध्वनी क्र, 02472-299434 वर संपर्क साधावा.असे आवाहन सहायक आयुक्त,जिल्हा कौशल्य विकास,रोजगार व उद्योजकता मार्गदर्शन केंद्र,धाराशिव यांनी केले आहे.
Exclusive
Breaking News
तथागत बुद्ध विहार येथे रमाई जयंती उत्साहात साजरी
कल्पनानगर येथे माता रमाई जयंती उत्साहात साजरी
कळंब शहरात स्वच्छतेचा आढावा घेण्यासाठी नगराध्यक्ष कापसे पहाटेच उतरल्या रस्त्यावर
भीमनगरात माता रमाई जयंती उत्साहात;निळ्या ध्वजाचे ध्वजारोहण व शहरातून भव्य मिरवणूक
निवडणुकीत ७ लक्ष ४७ हजार ३७० मतदारांनी बजावला मतदानाचा हक्क
More Stories
निरोगी गावाकडे वाटचाल;मौजे बोरफडी येथे ‘अनिमिया मुक्त गाव’ उपक्रमाचा भव्य शुभारंभ
ग्रामोदय समितीच्या संचालकपदी उद्योजक गुंडू पवार यांची एकमताने निवड
शिक्षण महर्षी ज्ञानदेव मोहेकर गुरुजींना ज्ञान प्रसार विद्यालयात अभिवादन