स्त्री आदिशक्ती

तलवारीच्या धारेवरती
पराक्रमाचे बोल बोलती
इतिहासातील अमर कहाणी
रणरागिणी झाशीची राणी

स्वप्न पाहिले खुल्या लोचणी
स्वराज्य स्थापन करण्याचे
घडविले जिने वीर शिवबाला
मानाचा मुजरा राजमाता जिजाऊला

हाती घेऊन अक्षरलेखनी
दान दिलेस विद्येचे
नारी तू उद्धारली
ज्ञानज्योती सावित्री

आंबेडकरी लेखणीची धार
दीनदुबळ्यांसाठी झिजली फार
बलिदान,करुणा,प्रेम अपार
रमाईचे थोर उपकार

अनाथांची माय होऊनी
लाखो मुले ओटी घेऊनी
संस्काराचे बीज रोवूनी
माय सिंधू गेली सोडूनी

स्त्री जन्मा ही तुझी कहाणी
या सृष्टीची तूच जननी
कधी कर्तुत्व कधी गृहिणी
या संसारी तूच स्वामिनी

शत शत नमन तुला मर्दिनी
शत शत नमन तुला मर्दिनी

शब्दरचना-छाया फाटक तौर