- रामनामाच्या गजरात कळंब दुमदुमले
- कळंब – शहरासह ग्रामीण भागात रामनवमी दि.२६ मार्च २०२६ वार गुरुवार रोजी अत्यंत भक्तिमय वातावरणात आणि मोठ्या उत्साहात साजरी करण्यात आली.विविध धार्मिक कार्यक्रम,भव्य शोभायात्रा आणि मंदिरांवरील आकर्षक रोषणाईमुळे संपूर्ण परिसरात उत्सवाचे वातावरण निर्माण झाले होते.
शहरातील कसबागल्ली येथील श्रीराम मंदिर ट्रस्टच्या वतीने प्रभू श्रीराम यांचा जन्मोत्सव मोठ्या भक्तिभावाने साजरा करण्यात आला.सकाळपासूनच मंदिरात भाविकांची गर्दी उसळली होती. टाळ-मृदुंगाच्या गजरात आणि भजन-कीर्तनाच्या सुरात वातावरण भारावून गेले होते.
यानंतर शहरातून भव्य शोभायात्रा काढण्यात आली.शोभायात्रेत सहभागी झालेल्या भक्तांनी “जय श्रीराम”च्या घोषणांनी संपूर्ण शहर दणाणून सोडले.विविध वेशभूषा, ढोल-ताशा पथके आणि धार्मिक देखावे यामुळे शोभायात्रा आकर्षणाचा केंद्रबिंदू ठरली.
दरम्यान,सावरगाव भागातील हनुमान मंदिर तसेच राम मंदिरात मोठ्या पाळण्यात श्रीरामाची प्रतिमा ठेवून पारंपरिक धार्मिक विधी पार पडले.दुपारी बारा वाजता श्रीराम जन्मोत्सव सोहळा साजरा करण्यात आला,यावेळी हजारो भाविकांनी उपस्थित राहून दर्शन घेतले.
उत्सवादरम्यान सर्व मंदिरांमध्ये आरती,राम जन्माचे पाळणा गीत आणि नामस्मरणाचा गजर सुरू होता.“रामनाम”च्या अखंड जयघोषाने कळंब नगरी दुमदुमून गेली होती.कार्यक्रमानंतर भाविकांना महाप्रसादाचे वितरण करण्यात आले.
फटाक्यांच्या आतषबाजीने वातावरण आणखी उत्साही झाले.शहरातील विविध मंदिरांमध्ये दिव्यांची रोषणाई करण्यात आली होती,ज्यामुळे रात्रीचा नजारा आकर्षक दिसत होता.
याशिवाय,रामराज्य प्रतिष्ठानच्या वतीने काढण्यात आलेल्या भव्य रॅलीत सांस्कृतिक कार्यक्रम, देखावे आणि सामाजिक संदेश देणारे उपक्रम राबविण्यात आले. या रॅलीलाही नागरिकांचा उत्स्फूर्त प्रतिसाद मिळाला.
एकूणच,भक्तिभाव,उत्साह आणि पारंपरिक धार्मिकतेचा संगम साधत कळंब शहरासह ग्रामीण भागात रामनवमीचा उत्सव दिमाखात साजरा करण्यात आला.
Exclusive
Breaking News
More Stories
पोलीस कुटुंबातील दोन्ही मुली डॉक्टर;खामसवाडीचा उंचावला मान
मोबाईलच्या अतिरेकाने संवाद हरवला;तरुणाई व्यसनाच्या विळख्यात – विश्वनाथ (अण्णा) तोडकर यांचा इशारा
छत्रपती शिवाजी महाराज चौकात अतिक्रमणावर बुलडोझर;नगरपालिकेची धडक मोहीम सुरू