वेद शैक्षणिक संकुलात महात्मा गांधींना पुण्यतिथीनिमित्त अभिवादन

डिकसळ – धनेश्वरी शिक्षण समूहाचे अध्यक्ष डॉ.प्रतापसिंह पाटील यांच्या प्रेरणेने भैरवनाथ अध्यापक विद्यालयाचे प्राचार्य सतिश मातने यांच्या मार्गदर्शनाखाली वेद शैक्षणिक संकुल अंतर्गत भैरवनाथ अध्यापक विद्यालय व भैरवनाथ औद्योगिक प्रशिक्षण संस्थेत दि.३० जानेवारी २०२५ रोजी राष्ट्रपिता महात्मा गांधी यांच्या पुण्यतिथीनिमित्त त्यांना विनम्र अभिवादन करण्यात आले.
कार्यक्रमाची सुरुवात महात्मा गांधी यांच्या प्रतिमेस पुष्पहार अर्पण करून व दोन मिनिटांचे मौन पाळून करण्यात आली. यानंतर भारतीय युवा शक्ती ट्रस्टचे कमलाकर नागटिळक व नितीन राठोड यांनी प्रशिक्षणार्थी व छात्राध्यापकांना इंडसइंड बँकांचे नवउद्योजकांना कर्जाच्या स्वरूपात करीत असलेल्या योजनांची माहिती दिली.
भैरवनाथ औद्योगिक प्रशिक्षण संस्थेतील प्रथमेश अंबिरकर या प्रशिक्षणार्थींने महात्मा गांधीजींच्या जीवनकार्यावर आधारित व सत्य,अहिंसा आणि मानवतेच्या विचारांवर मनोगत व्यक्त केले.
यावेळी कार्यक्रमाचे सूत्रसंचालन सांस्कृतिक विभाग प्रमुख प्रा.अविनाश घोडके यांनी केले तर आभार निदेशक राजकुमार शिंदे यांनी मानले
याप्रसंगी भैरवनाथ औद्योगिक प्रशिक्षण संस्थेचे प्राचार्य सूरज भांडे,प्रा.श्रीकांत पवार,प्रा.मोहिनी शिंदे,दिक्षा गायकवाड,निदेशक अविनाश म्हेत्रे,आदित्य गायकवाड,विनोद कसबे यांची उपस्थिती होती.