रोटरी क्लबच्या वतीने विविध क्षेत्रातील उल्लेखनीय काम करणाऱ्यांचा गौरव

धाराशिव – येथील जे.एफ.अजमेरा रोटरी नेत्र रुग्णालय, धाराशिव येथे दिनांक १५/०२/२०२४ रोजी,रोटरी क्लब उस्मानाबादच्या वतीने विविध क्षेत्रातील उत्कृष्ट उल्लेखनीय काम करणाऱ्या व्यक्तींना सन्मान चिन्ह व प्रमाणपत्र देऊन गौरविण्यात आले. सदर कार्यक्रमास प्रमुख पाहुण्या म्हणुन डॉ. रोहीणी काचोळे ह्या होत्या.यावेळी त्यांच्या कार्याबद्दल त्यांचा मानपत्र व सन्मान चिन्ह देऊन सत्कार करण्यात आला तर प्रमुख उपस्थिती डॉ. शिल्पा दमकोंडवार अधिष्टाथा शासकीय वैद्यकीय महाविद्यालय धाराशिव व संजय काचोळे हे होते.
Vocational Excellence Awards या कार्यक्रमात विविध क्षेत्रातील उत्कृष्ट , उल्लेखनीय काम करणाऱ्या एकूण दहा जणांचा गौरव करण्यात आला, यात मोनिका जयसिंग कवडे-(पोस्ट वुमन), शुभांगी विजय सरवदे (लाईन वुमेन), रेबेका आनंद भंडारे-(प्रभारी मॅट्रोन), लक्ष्मण भीमराव सिडाम-(मसाजिस्ट आयुर्वेदिक कॉलेज धाराशिव), अश्विनी अमोल जाधव-(वाहक एस टी महामंडळ), सूर्यकांत बापूराव घोडके-(चालक एस टी महामंडळ), सीमा रामराजे थोरात-(आशा कार्यकर्ती), भास्कर निवृत्ती पवार-(मुकादम सिव्हिल हॉस्पिटल धाराशिव), सोनाली शिवाजी लांडगे-(शिक्षिका वडार वस्ती पालावरची शाळा, धाराशिव), निर्मला वासुदेव कुलकर्णी-(अंगणवाडी कार्यकर्ती) यांचा समावेश आहे.
सदरील कार्यक्रमात सत्कारार्थी व त्यांचे कुटुंबीय, रोटरी सदस्य मोठ्या संख्येने उपस्थित होते. प्रास्तविक रोटरी क्लब अध्यक्षा डॉ. अनार साळुंके ह्यानी केले तर सूत्रसंचलन व आभार सचिव डॉ.मीना जिंतूरकर ह्यानी मानले.